Swyddfa ICO Cymru

Ynglŷn â’r ICO – Cymru

Mae swyddfa Cymru wedi’i lleoli yng Nghaerdydd. Mae’n gyfrifol am:

ddarparu gwasanaeth cyngor ac ymholiadau cyffredinol i unigolion, sefydliadau ac awdurdodau cyhoeddus yng Nghymru;
ymchwilio i gwynion am ryddid gwybodaeth sy’n ymwneud ag awdurdodau cyhoeddus Cymru;
gwella ymwybyddiaeth leol am hawliau gwybodaeth a hybu arferion da;
ymgynghori â Llywodraeth Cynulliad Cymru, y Cynulliad Cenedlaethol ac eraill sy’n gyfrifol am wneud penderfyniadau i sicrhau bod polisïau a deddfau newydd yn cydymffurfio â’r ddeddfwriaeth a reoleiddir gennym;
sicrhau bod buddion unigolion, sefydliadau ac awdurdodau cyhoeddus ledled Cymru’n cael eu hystyried wrth ddatblygu polisïau a chanllawiau’r ICO; ac
ymateb i anghenion lleol drwy ddarparu gwasanaeth targededig a phriodol (mae hyn yn cynnwys darparu gwasanaethau yn yr iaith Gymraeg).

Pwy ydyn ni

Anne Jones, Comisiynydd Cynorthwyol Cymru, sy'n arwain ein swyddfa yng Nghymru. Ymunodd Anne â’r ICO yn 2003, gyda chefndir mewn gwaith llyfrgell a gwybodaeth a hefyd brofiad eang mewn TG. Mae ganddi radd anrhydedd mewn Ffrangeg ac Astudiaethau Gwybodaeth o Goleg Prifysgol Aberystwyth, a gradd MSc mewn Rheoli Llyfrgelloedd a Gwybodaeth o Brifysgol Bryste.

Cynhadledd Rhannu Gwybodaeth Cymru – 2011

Cliciwch yma i gael rhagor o wybodaeth am y gynhadledd, a gynhaliwyd ar 9 Mehefin 2011 yng Nghaerdydd.

Gwybodaeth ddefnyddiol

Mae Swyddfa'r Comisiynydd Gwybodaeth wedi paratoi Cynllun laith Gymraeg sydd yn gosod allan sut y byddwn yn darparu gwasanaethau yn yr iaith Gymraeg i'r cyhoedd yng Nghymru. Paratowyd y Cynllun gyda chymorth a chymeradwyaeth Bwrdd yr laith Gymraeg a daeth i rym ar 21 Mawrth 2007.